كل نومرية
كل سولافة باردة وجه
كل فضيحة بلزّقوها
ب أم العبد
حتى سولافة صفقة المتقاعدين العسكريين مع قطر ومع سَويْد الوجه .. المتعهد
لبّسوها لأم العبد
بصراحة بتوقع انه أم العبد
ما إلها علاقة بسولافة قطر
حرام تظلموها ....
ام العبد ... بتبلش بسواليف العلم
والتعليم
والتدريب
والتأهيل
بالبيئة
بالمرأة
بالطفولة
بالاستثمار
بشركات خدمات الغذاء
بالمكياج
بالموضة
بمسابقات ملكات
الموز
واللوز
والجوز
بدبس الرمان
بورق الدوالي
بالمحاشي
بالتجوال حول العالم
بفنون الرقص على الحبال
بتخريب العلاقات الأسرية
اما بخصوص جمع الأموال
فأم العبد اشطر وحدة بالعالم ....
بالتحويش
والتكويش
ألحّق مش على أم العبد
الحق على اللي أعطاها عين
اللي هو أنا
زلمة من القلّة
بالمناسبة .. أم العبد
بتصير جوزي
عفوا قصدي مرتي
وانا جووووززززهههها
بس على الورق
وكلمتها ما بتصير ثنتين
نفسي أعجّب على أم العبد
افرك شدوقها بقرن فليفلة
حار
أقص لسانها ...
أبز عيونها
من يوم ما شفناها ما شفنا غير الويل
يا أم العبد .... خطيّة اخواني وخواتي
وعمامي وعماتي
برقبتك الى يوم الدين
أمانة عليكو ما تخلّوا أم العبد تشوف المقال
هاي مرتي وانا عارفها
بكبسة زر بتجيب خميري
Comments